Yun Bo-seon

Dr Yun Bo-seon(rev. Rom. Yun Bo-seon, McCune-Reischauer Yun Pŏ-sŏn, koreanisch 윤보선, hanja 尹潽善; uf d Wält cho as Gyungchon; * 26. August 1897 z Asan, denn z Korea, im hütige Südkorea; † 18. Juli 1990 z Seoul, Südkorea) isch e südkoreanische Politiker und Bresidänt vo Südkorea gsi.

Vo 1948 bis 1949 isch er Bürgermeister vo Seoul gsi und 1949 bis 1950 Minister vo Handel und Industri. 1960 isch er zum Bresidänt vo Südkorea gweelt worde. 1961 het dr Generalmajor Park Chung-hee e Putsch gmacht, und dr Yun isch schliesslig am 22. Merz 1962 zruggdräte. Er isch e Gegner vo dr autoritäre Regierigswiis vom Park gsi, het sich aber bi de Bresidäntschaftswaale 1963 und 1967 nid gegen en chönne duuresetze. Er isch e baar Mol wäge regierigsfindlige Aktividääte grichtlig bestrooft worde und het sich schliesslig 1980 us dr Politik zruggzooge. 1990 isch dr Yun an Diabetes und Bluethochdruck gstorbe.

Dr Yun Bo-seon isch e Nöwöö vom Yun Chi-ho und Yun Chi-young gsi.